PASUGO 1956 Quotes

PASUGO 1956

“Ang Iglesia Katolika'y pinabrika lamang ng mga Obispo noong 1870 sa Batikano."

-PASUGO Marso 1956, p. 25: (sinulat ni Teofilo Ramos)

“Ang Iglesia ni Cristo ay nagdaos ng pamamahayag sa Lunsod ng Davao. Nagsalita roon si Kapatid na Felix Manalo at ang kasama niyang mga Ministro. Ipinahayag doon ng mga nagsalita na ang Iglesia Katolika Romana ay hindi itinatag ni Cristo kundi itinatag ng Diablo."

-PASUGO Oktubre 1956, p. 1

“Bakit hindi ang nag-aral ng Iglesia ni Cristo ang iyong tuligsain? Ipakita
ninyo sa pamamagitan ng Biblia na mali ang aming mga aral. Ito ang dapat ninyong gawin."

-PASUGO Okt. 1956, p. 29

“It strikes people as odd that members of the Church of Christ (Iglesia ni Cristo) do not celebrate Christmas. (ang Iglesia ni Cristo ay tuwirang hindi nagdiriwang ng Pasko ng kapanganakan ni Cristo).”

-PASUGO Disyembre 1956, p. 34, (sinulat ni Benjamin T. Villalba)

“ANG KAPANGANAKAN NG SINUGO

At sa huling kaarawang nalalapit na ngang ganap;

Ang dakilang paghuhukom ng Dios sa taong lahat; 

Sa pagibig ni Bathalang ang tao ay maligtas; 

Sa hula ay pinabangon ang Sugo sa Pilipinas;

Siya ay si Kapatid Felix Manalo ang tawag;

Si Elias na paririto bago dumating ang wakas."

-Disyembre 1956, p. 17: (patula) 

Ang Pasko Natin…

Tula ni Kapatid na EMILIANO I. AGUSTIN

Pasugo Dec. 1956, p 10

Sumilang si Hesus sa abang sabsaban

Tinubos tayo sa dilim ng buhay…

Tayo’y nagkasala at mga naligaw

Nawalan ng Diyos at kapayapaan…!

Si Hesus ang ating Maligayang Pasko

Ang Kapayapaang dapat na matamo…

Liwanag ng buhay sa patay na mundo

Biyaya ng Diyos sa handog na Cristo…!

Tanggapin ni Cristo ng buong pag-ibig

Tanging Aginaldo ng Diyos sa Langit…

Sa salang marumi’y mabisang panlinis

At magiging dapat sa dugong natigis…!

Sumunod kay Hesus ang mga naligaw

Maamong pasakop sa Kanyang paanan…

Tumatawag Siya’t lagging naghihintay

May laang PATAWAD sa magbagumbuhay…

Iwan na ang sama at magbalikloob

At buong pagsuyong lumapit kay Hesus…

Kung hindi sa Kanya na Dakilang Handog

Walang kaligtasan sa Hatol ng Diyos… !

Oh ! ang PASKO natin, puno ng pagsuyo

Ang Dakilang Cristong sa sala’y umako…

Sa Paskong marilag tanggapin sa puso

Ang Kapayapaang mahigit sa ginto… !

Ang Kapayapaan o tunay na Pasko

Tatanggapin nating Iglesia Ni Cristo…

Iglesya;y Katawan at Siya ang Ulo

Sa sumpa ng utos tinubos na tayo…!

Maghari sa puso ang KAPAYAPAAN

At sa MANUNUBOS huwag hihiwalay…

Sa Kanyang Iglesya’y manatiling saklaw

May buhay at langit pagdating ng Araw…!